Atyraýda reanımobıl parki jańartylady
«Qazirgi ýaqytta bizde 94 reanımobıl kóligi tur. Olardyń 24-i tolyǵymen tozǵan, tipti paıdalaný múmkin emes, 26-sy kúrdeli jóndeýdi qajet etedi. Qońyraý túsken jerlerge tek 41 kólik jiberiledi. Avtokólik quraldarynyń tozýy bizdiń jumysymyzǵa aıtarlyqtaı kedergi keltirip otyr. Bul máseleni sheshý úshin 2019 jyly jergilikti bıýdjetten 5 reanımobıl alýǵa qarajat bólindi. Búginde respýblıkalyq bıýdjetten 22 reanımobılge qajetti somma bólinip qoıdy. Atyraýda olar 2020 jyldyń birinshi toqsanynda qoldanýǵa beriledi», - dep habarlady Óńirlik kommýnıkatsııalar qyzmetinde ótken brıfıngte Atyraý oblysynyń jedel járdem stantsııasynyń dırektory Erlan Súıeýǵalıev.
Ol óz sózinde kadr máselesi de sheshilip jatqanyn aıtty. 2019 jyly 78 qyzmetker jumysqa qabyldanǵan, olardyń 54-i –Atyraýda, 24-i aýdandarda jumys isteıdi.
