Atyraýda raqymshylyqqa ilikken sottalýshylar bostandyqqa shyqty

ATYRAÝ. QazAqparat - Atyraýda ÝG 157/9 mekemesinen raqymshylyqqa ilikken alǵashqy úsh sottalýshy bostandyqqa shyqty, dep habarlaıdy «QazAqparat» HAA tilshisi.

«Bostandyqqa shyqqandar el táýelsizdiginiń 25 jyldyǵyna oraı jarııalanǵan raqymshylyqqa ilikkender. Olardyń ekeýi urlyq úshin sottalǵan oblysymyzdyń turǵyndary, úshinshisi - kórshi Batys Qazaqstan oblysynyń turǵyndary, jazalaryn alaıaqtyq úshin ótep jatty. Olar jazalarynyń negizgi merzimin ótegen bolatyn. Atyraý qalasynyń  №2 sotyna sottalýshylarǵa raqymshylyq aktisin qoldaný boıynsha qaraýǵa barlyǵy 53 isti joldadyq», - dep habarlady ÝG 157/9 mekemesiniń bastyǵy Baqytjan Elipov.