Atyraýda poıyzda tolǵaǵy bastalǵan áıeldi jolserikter bosandyryp aldy
Kenjegúl Qaıyrbolatova Ganıýshkınodan Atyraýǵa besinshi vagonmen kele jatqan.
Quram Ganıýshkıno stantsııasynan jóneltilgennen keıin tańǵy saǵat 5-te Kenjegúldiń tolǵaǵy bastaldy. Quram bastyǵy Sáýle Іlııasova bastaǵan poıyz brıgadasy tıisti shara qabyldap, nusqaýlyqqa sáıkes mashınıske habarlady jáne jedel járdem brıgadasyn jaqyn mańdaǵy stansaǵa shaqyrtty.
Jedel járdem kelgenge deıin jolserikter Myrzagúl Qarajigitova, Marııash Orazǵalıeva jáne Laýra Kamalova áıelge kómektesti. Tańǵy saǵat 05:30-da vagonda qyz bala dúnıege keldi.
Sáýle Іlııasovanyń aıtýynsha, jolaýshylar tasymalynda jumys istegen 15 jyl ishinde ol osyndaı jaǵdaıǵa alǵash ret tap bolǵan.
- Kompanııamyzda standartty emes jaǵdaılarda áreket etýge úıretedi jáne biz árqashan jolaýshylarymyzǵa kómek kórsetýge daıynbyz, - dedi Sáýle Іlııasova.
Atyraý stansasyna kelgennen keıin jańa týǵan sábıdi anasymen birge jedel járdem qyzmetkerleri kútip aldy.
Kenjegúl Qaıyrbolatova kómek kómek kórsetkenderdiń barlyǵyna alǵys aıtty.
«Birinshi kezekte bala úshin alandadym. Poıyzdyń barlyq qyzmetkerlerine osyndaı tótenshe jaǵdaıda maǵan kómekteskenderi úshin úlken alǵysymdy bildirgim keledi. Endi qyzym óskende ózine aıtyp beremin», - deıdi jas bosanǵan ana.
