Atyraýda poıyz qaǵyp ketken áıel aıaǵynan aıyryldy
ASTANA. QazAqparat - Atyraý oblysynda áıel adamdy poıyz qaǵyp ketti, zardap shegýshiniń eki aıaǵyna ampýtatsııa jasaldy, dep habarlaıdy QazAqparat «Moı gorod» portalyna silteme jasap.
«Oqys oqıǵa 1 sáýirde temir jolda boldy. Áıel adam jumys ornynda jaraqat aldy. Іsti tergeý áli bastalǵan joq. Biz komıssııa quramyn belgilep, osy jumysqa jetekshilik etetin eńbek ınspektoryn taǵaıyndaımyz. Óte aıanyshty jaǵdaı. Aldaǵy ýaqytta arnaıy qorytyndy jasalady, soǵan sáıkes kináliler anyqtalady», - dedi Atyraý oblysynyń bas eńbek ınpektory Igilik Áýbákirov.
Eske sala ketsek, bıyl qańtar aıynda boıjetken Atyraý-Aqtóbe poıyzynyń astyna túsip ketip, eki aıaǵynan aıyrylǵan bolatyn.
