Atyraýda polıtsııanyń front-keńselerine 3 myń adam keldi
Oblystyq Polıtsııa departamenti baspasóz qyzmetiniń málimetinshe, ótken jyly óńirde Іshki ister mınıstrligi belgilegen standarttar boıynsha front-keńseler ashyldy. Onyń 3-eýi oblys ortalyǵynda, qalǵany aýdandarda ornalasqan. Polıtsııanyń front-keńselerine osy kezge deıin ártúrli máselemen 3 myńǵa jýyq azamat júgindi. Sondaı-aq, departament bastyǵynyń orynbasarlary aı saıyn front-keńselerde azamattardy jeke qabyldaıdy.
«Polıtsııa qyzmetkerleri tek keńes berýmen shektelmeıdi. Sonymen birge, munda ártúrli quqyqtyq jáne quqyq buzýshylyq máseleler talqylanady. Turǵyndardy tolǵandyrǵan túıitkilderdi ońtaıly sheshýge qajetti sharalar qabyldanady», - deıdi Atyraý oblystyq Polıtsııa departamenti bastyǵynyń orynbasary, polıtsııa podpolkovnıgi Ádilhan Baıdosov.
