Atyraýda polıtsııaǵa jalǵan habar bergen turǵyn jazalandy
ATYRAÝ. QazAqparat – Atyraýda polıtsııaǵa jalǵan habar bergen turǵyn jazalandy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 18 aqpanda saǵat 22:50 shamasynda 41 jastaǵy azamat zańdy nekedegi áıelin uryp jatqanyn aıtyp, habarlama bergen.
«Osyǵan baılanysty ýchaskelik polıtsııa ınspektorlary tekserý júrgizdi. Tekserý kezinde atalǵan azamattyń polıtsııaǵa jalǵan habar bergeni belgili boldy. Narkologııalyq saraptamanyń qorytyndysymen atalǵan azamattyń orta dárejedegi mas ekeni anyqtaldy.
Oǵan qatysty QR Ákimshilik quqyqbuzýshylyq týraly kodeksiniń 438-babynyń 1-bólimimen (Arnaýly qyzmetterdi kórineý jalǵan shaqyrý, memlekettik órtke qarsy qyzmet organdaryn, polıtsııany, medıtsınalyq jedel járdemdi, avarııalyq qyzmetterdi kórineý jalǵan shaqyrý) ákimshilik hattama toltyrylyp, 43 755 teńge kóleminde aıyppul salyndy», - dep habarlady departamenttiń baspasóz qyzmetinen.
