Atyraýda polıtsııaǵa qarsylyq bildirip, granata qoldanbaq bolǵan qylmystyq top múshesiniń kózi joıyldy - ІІM
ASTANA. 31 tamyz. QazAqparat /Qanat Mámetqazyuly/ - Atyraý qalasynda 29 tamyz kúni asa aýyr qylmys jasady dep kúdik keltirilgen qylmystyq toptyń joly kesildi.
Sonymen qatar, qylmystyq top múshesin ustaý barysynda granata qoldanbaq bolǵan qylmyskerdiń kózi joıyldy. Bul týraly búgin QR ІІM ótken brıfıngte baspasóz hatshysy Nurdildá Oraz málim etti.
«Jalpy operatsııa barysynda 20 adam tutqyndaldy, olar asa aýyr qylmys jasaýǵa baılanysty kúdikti dep tanylyp otyr. Taǵy eki kúdiktige izdeý jarııalandy. Olardyń lańkestikke qatystylyǵy týraly aqpar joq», - deıdi N. Oraz. Onyń aıtýynsha, quryqtaý operatsııasy barysynda toptyń bir múshesi qarýdan polıtsııa qyzmetkerlerine oq atyp, belsendi túrde qarsylyq tanytqan. «Quqyq qorǵaý organdarynyń qarsylyqty toqtatyp, óz erkimen berilý týraly eskertýine qylmysker jaýyngerlik granatany qoldanyp, jaýap bermek bolyp edi, arnaıy jasaqtyń qyzmetkerleri onyń kózin joıdy», - deıdi N. Oraz.
Oqıǵa ornynan polıtsııa qyzmetkerleri qarý-jaraqtar tárkilegen. Atap aıtqanda, 20- oqpandy jalǵyz aýyz sholaq ańshy myltyǵy, 43 ańshy qarýynyń oqtary, tutandyrǵyshy men ottyǵy bar 2 qoldan jasalǵan jarylǵysh zat tárkilengen. Búgingi kúni qylmystyq topqa qarsy tergeý júrgizilýde. Ustalǵandardyń barlyǵyna qylmystaryna uqsas basqa da qylmystar jasaýǵa qatystylyǵy tekserilýde. Baspasóz hatshysynyń sózine qaraǵanda, kúdiktilerdi quryqtaý ártúrli ýaqyttarda júzege asqan. Dese de, kúdiktiler men jasalǵan qylmystar arasyndaǵy baılanys joqqa shyǵarylmaıdy. «Jalpy óńirdegi jaǵdaı turaqty. Búgingi kúni qoǵamdyq qaýipsizdikti qamtamsyz etý baǵytynda barlyq sharalar júzege asýda», - deıdi N. Oraz.
