Atyraýda polıtsııadan qashqan júrgizýshige 291 700 teńge aıyppul salyndy
Oblystyq polıtsııa departamenti baspasóz qyzmetiniń málimetinshe, túngi saǵat 1:00 shamasynda patrýldik polıtsııa qyzmetkerleri Atyraý qalasyndaǵy «Barmaglot» meıramhanasynyń tusynda «Vaz 2110» markaly avtokóliginiń joldyń qarsy baǵytyna shyqqany úshin toqtatpaq bolǵan. Alaıda, avtokólik júrgizýshisi polıtsııa qyzmetkerleriniń toqtatý týraly talabyna baǵynbaı, qashyp ketken.
«Keıin atalǵan avtokólikti toqtatqan kezde 23 jastaǵy júrgizýshiniń polıtsııa qyzmetkerleriniń zańdy talabyna baǵynbaı qarsylyq tanytqan júrgizýshiniń kólik basqarýǵa quqyǵy joq ekeni belgili boldy. Sol sebepten, kólik júrgizýshisine qatysty QR Ákimshilik quqyqbuzýshylyq týraly Kodeksiniń 667-babynyń 1-bóligimen (Polıtsııa qyzmetkerleriniń zańdy talabyna baǵynbaý) ákimshilik hattama toltyrylyp, jınaqtalǵan is-qujattar zańdy sheshim qabyldaý úshin ákimshilik sotqa joldandy. Sondaı-aq, 596-babynyń 5-bóligimen (Júrgizýshi kýáligi joq kúıde joldyń qarama-qarsy baǵytyna shyǵý), 612-babynyń 2-bóligimen (Júrgizý quqyǵy joq kúıde), 613-babynyń 1-bóligimen (Polıtsııa qyzmetkerleriniń toqtatý talabyn oryndamaý) ákimshilik hatttamalar toltyrylyp, 291 700 teńge kóleminde aıyppul salyndy» -jep habarlady departamenttiń baspasóz qyzmetinen.
Eske sala ketelik, buǵan deıin Atyraýda mas kúıde rýlge otyrǵan 2 áıel júrgizýshi kýáliginen aırylǵan edi.