Atyraýda polıtsııa mektepke «qoıylǵan» bombany izdedi

ATYRAÝ. QazAqparat – Tártip saqshylary Atyraýdaǵy mektepterdiń birine «bomba qoıylǵany» týraly aqparatty tekserdi, dep habarlaıdy QazAqparat.

«102» qyzmetine qaladaǵy №27 orta mektepte bomba bar degen aqparat keshe túsken bolatyn. Mekteptegi barlyq adam qaýipsiz jerge shyǵarylyp, ǵımarat qorshaýǵa alyndy. Jarylǵysh zatty izdeýge tótenshe jaǵdaılar departamenti, UUQD jáne polıtsııa qyzmetkerleri jumyldyryldy. Mektepke jedel járdem kóligi keldi.

Oblystyq polıtsııa departamenti baspasóz qyzmeti búgin habarlaǵandaı, mektep ǵımaratynan jarylǵysh zat tabylmaǵan.

Zań boıynsha jalǵan aqparat bergen adamnyń jasy kámeletke tolǵan bolsa, ony 5 jylǵa deıin bas bostandyǵynan aıyrý jazasy kútip tur.