Atyraýda polıtsııa komandıri qolastyndaǵylardy qorqytyp, aqsha alyp otyrǵan - agenttik

NUR-SULTAN. QazAqparat – Atyraýda patrýl polıtsııasynyń rota komandıri qaramaǵyndaǵy qyzmetkerlerdi qorqytyp, olardan aqsha alyp otyrǵan. Oǵan qatysty tergeýdiń júrip jatqanyn Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Danııar Bekaıdarov málim etti, dep habarlaıdy QazAqparat tilshisi.

«Atyraý oblysy boıynsha Sybaılas jemqorlyqqa qarsy qyzmet jemqorlyqtyń jolyn kesti. Naqtyraq aıtqanda, Atyraý oblysy polıtsııa departamenti patrýl polıtsııasynyń rota komandıri qaramaǵyndaǵy qyzmetkerlerdi qorqytyp, qyzmet boıynsha qamqorlyǵy úshin 5 000-nan 70 000 teńgege deıingi mólsherde júıeli negizde para alý faktisi (10-nan asa fakt) boıynsha qylmystyq isti tergeýde», - dedi Danııar Bekaıdarov onlaın baspasóz máslıhatynda.

Sot oǵan qatysty «kúzetpen ustaý» túrindegi bultartpaý sharasyn qabyldaǵan.