Atyraýda polıtsııa kóligimen soqtyǵysqandardyń densaýlyq jaǵdaıy belgili boldy
ATYRAÝ OBLYSY. QazAqparat – Atyraý oblysynda polıtsııa kóligin qaǵyp, jol apatynan ushyraǵandardyń densaýlyq jaǵdaıy belgili boldy, dep habarlaıdy QazAqparat tilshisi.
Atyraý oblystyq Jergilikti polıtsııa qyzmetiniń habarlaǵanyndaı, búgin tańerteń «Toyota Hilux» markaly kóligi polıtseılerdiń «Volkswagen» markili kóligin soqty. Jol apatyna túsken úsh adam da aýrýhanaǵa jetkizildi. Olardyń ekeýi polıtsııa ofıtserleri bolsa, bir adam «Toyota Hilux» kóliginiń júrgizýshisi. Ofıtserlerdiń biriniń buǵanaǵyna zaqym kelip, aıaǵynan jaraqat alǵan. Ol statsıonarǵa jatqyzyldy. Ony ómirine qaýip tónip turǵan joq.
Eske salaıyq, jol apaty Atyraý-Oral tas jolynyń boıynda, oblys ortalyǵynan 15 km qashyqtyqta bolǵan. «Toyota Hilux» markili kóliginiń júrgizýshisi joldyń qarsy betine shyǵyp ketip, polıtsııanyń «Volkswagen» markili kóligimen soqtyǵysqan.
Óńirdiń Polıtsııa departamentiniń habarlaýynsha, QR QK-niń 345 baby boıynsha tergeý júrgizilýde.
