Atyraýda polıtsııa eki adam óltirdi degen kúdiktini ustady

Atyraý  oblystyq   ishki ister departamentiniń baspasóz  hatshysy Gúlnázıra  Muhtarovanyń aıtýynsha,  sóz bolyp otyrǵan  qylmystar  ótken aptada    oryn  alǵan.  Qarashanyń 18-de  óz  páterinde  20 jasar  boıjetkenniń  óligi  tabylsa, al  20-da   óz páterinde  42 jastaǵy  áıel  óltirilgen bolatyn.

 «Oqıǵa ornynda tabylǵan aıǵaqtar, eki     qylmystyń  bir adamnyń    nemese   birlesip áreket etken toptyń   qoly ekenin    kórsetedi.  Eki   marqumnyń  da     páterlerin  jalǵa  berip  kelgeni  de   tergeýshilerdiń  dolbaryn   rastaı  túsedi.  Sóıtip, eki is  biriktiriledi»,  deıdi   G.Muhtarova.

 Jeksenbi kúni polıtseıler    osy eki   qylmysty jasady dep kúdik keltirilgen  Batys Qazaqstan oblysynyń 33 jastaǵy turǵynyn    ustady.   Odan  zattaı  aıǵaqtar -   qaza tapqandardyń   uıaly  telefondary  tabylǵan.   Departamenttiń baspasóz  hatshysynyń  aıtýynsha, kúdikti  qylmysty jasaǵanyn moıyndap  otyr.

 Ol  qazir ýaqytsha oqshaýlaý abaqtysyna  jabyldy.  QR Qylmystyq kodeksiniń  96-shy baby boıynsha qylmystyq is qozǵalyp,  tergeý amaly  bastaldy.