Atyraýda polıtseıler zańsyz saqtalǵan 3 qarýdy tárkiledi
Oblystyq polıtsııa departamenti baspasóz qyzmetiniń aqparatyna qaraǵanda, túzetý mekemesinde otyrǵan 24 jastaǵy jigit qarýdyń jasyrylǵan orny týraly aqparat bergen.
«Polıtsııa qyzmetkerleri atalǵan aqparatqa sáıkes tekserý júrgizip, 2 qarýdy tapty. Osyǵan baılanysty QR Qylmystyq kodeksiniń 287-babynyń 2-bóligimen sotqa deıingi tergeý júrgizilip jatyr. Sondaı-aq, «Qarý-2022» jedel profılaktıkalyq is-sharasy kezinde 1999 jylǵy jigit Jaıyq ózeniniń jaǵalaýynan taýyp alǵan pnevmatıkalyq tapanshany óz erkimen polıtsııaǵa tapsyrdy. Bul derekke qatysty QR Qylmystyq kodeksiniń 287-babynyń 1-bóligimen sotqa deıingi tergeý bastaldy», -deıdi oblystyq polıtsııa departamentiniń bastyǵy, polıtsııa polkovnıgi Nurhat Orazbaev.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn Atyraý oblysynda zańsyz saqtalǵan 24 qarý tárkilengenin jazǵan bolatynbyz.