Atyraýda polıtseıler sýǵa batqan adamdy qutqaryp aldy
ATYRAÝ. QazAqparat - Atyraýda polıtseıler sýǵa batqan adamdy qutqaryp aldy, dep habarlaıdy QazAqparat tilshisi.
«Jaıyq ózeniniń jaǵasyn teksergen polıtsııa patrýl ekıpajy er adamnyń kómekke shaqyrǵan daýsyn estidi. Tún ortasynda mas kúıde sýǵa túsken er adam ózenniń ortasyna deıin júzip baryp, jaǵaǵa jete almaı qalǵan. Іstiń nasyrǵa shaba bastaǵanyn túsinse kerek, aıǵaılap kómekke shaqyrady», - deıdi polıtsııa departamentiniń ókilderi.
Onyń baǵyna qaraı polıtseıler sol mańǵa jetip qalǵan.
«Men Damba aýylynda týyp-óskenmin, jaqsy júze alamyn. Biraq nusqaý boıynsha biz qutqarýshylarǵa habar berýge tıispiz, men de sóıttim. Keıin qasymdaǵy serigim serjant Jambyl Turymbetovten mashınadan qutqarý toptamasyn ákelýdi suradym. Ýaqyt ozdyrmaı sýǵa kúmp berip, er adamnyń jaǵaǵa shyǵýyna kómektestim», - deıdi qatardaǵy polıtseı Oryntaı Hýresov.
Tekseris kezinde sýǵa bata jazdaǵan er adamnyń mas bolǵany anyqtaldy. Polıtsııa basqarmasynda 32 jastaǵy er adamǵa Ákimshilik quqyq buzýshylyq týraly kodekstiń 440-baby boıynsha hattama toltyryldy.
Aıta keteıik, Atyraý oblysynda jyl basynan beri sýǵa ketken 12 adamnyń úsheýi mas bolǵan.
Avtor: A.Sokolov
