Atyraýda polıtseıler órtengen úıden 30-ǵa jýyq adamdy qutqardy
ATYRAÝ. QazAqparat – Atyraýda polıtseıler órtengen úıden 30-ǵa jýyq adamdy qutqardy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, órt keshe, 30 qańtarda saǵat 17:30 shamasynda bolǵan.
«Atyraý qalalyq polıtsııa basqarmasy №10 ýchaskelik polıtsııa beketiniń qyzmetkerleri «Vokzal mańy-3» shaǵyn aýdanyndaǵy kóp qabatty úıiniń birinshi qabatynan órt shyǵyp jatqanyn baıqaǵan. Jergilikti polıtsııa qyzmeti bóliminiń ýchaskelik ınspektorlary, polıtsııa kapıtany Serik Jumyrǵojıev, polıtsııa aǵa leıtenanty Rınat Igilikov, kýrsant Mýsa Qıbashev páterge der kezinde jetip, órt shyqqan páterde uıyqtap qalǵan adamdy aman-esen alyp shyqqan. Tártip saqshylary jalyn sharpyǵan kóp qabatty úıden 30-ǵa jýyq adamdy qutqardy», -dep habarlady departamenttiń baspasóz qyzmeti.
Eske sala ketelik, budan buryn Atyraýda qurylysshylar turyp jatqan vagondar órtengenin jazǵan edik.
