Atyraýda polıtseıler meıramhanalarǵa táýlik boıy baqylaý júrgizedi

ATYRAÝ. QazAqparat – Atyraý qalasynda ornalasqan meıramhanalarǵa polıtseıler táýlik boıy baqylaý júrgizedi, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, 14 meıramhananyń jumysy polıtsııa qyzmetkerleriniń baqylaýyna alynǵan.

«Meıramhanalarda otbasylyq, mereıtoılyq jıyn-toılardy ótkizýdiń aldyn alý úshin táýlik boıy polıtsııanyń jaıaý patrýldeý jasaqtary jumyldyryldy. Mundaı shara oblys ákimdiginiń koronavırýs indetiniń taralýyna jol bermeý maqsatyndaǵy nusqamasyna sáıkes qabyldanyp otyr. Qazir polıtsııa qyzmetkerleriniń jaıaý patrýldeý jasaqtary Atyraý qalasyndaǵy iri 14 meıramhananyń mańyna táýlik boıy kezekshilik atqarady», dep habarlady departamenttiń baspasóz qyzmeti.

Eske sala ketelik, budan buryn Atyraý oblysynyń ákimi epıdemıologııalyq ahýaldyń kúrdelene túsken aıtqan bolatyn.