Atyraýda polıtseıler qashqan júrgizýshini oq atyp toqtatty
ATYRAÝ. QazAqparat –Atyraý oblysynda polıtseıler tabeldik qarýdan oq atty, dep habarlaıdy QazAqparat.
Bul oqıǵa búgin túngi saǵat 01:00 shamasynda Jylyoı aýdanyndaǵy Maıkómgen aýylynyń mańynda bolǵan. Polıtsııa qyzmetkerleriniń toqtaý týraly zańdy talabyna «ÝAZ 390945-441» kóliginiń júrgizýshisi baǵynbaǵan.
«Polıtseılerden qashqan kóliktegi jolaýshylarynyń biri oq atqan. Tártip saqshylary tabeldik qarýdan aldymen aspanǵa, sodan keıin dóńgelekterge bir ret eskertý retinde oq atqannan keıin ǵana «ÝAZ» toqtatyldy. Nátıjesinde oqıǵa ornynda Mańǵystaý oblysy, Boranqul aýylynyń 1995 jyly týǵan turǵyny kúdikti retinde ustaldy. Odan 16 kalıbrli «IJ» markaly tirkelmegen ańshy myltyǵy tárkilendi», -dedi Atyraý oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Qazir ustalǵan azamat tergeý ızolıatoryna qamaýǵa alyndy.
Eske sala ketelik, budan buryn Atyraýda mas kúıde kólik júrgizgen sheteldik 15 kúnge qamalǵan bolatyn.
