Atyraýda polıtseıden qashqan júrgizýshi kólikten túsip, Jaıyqqa sekirgen
Oblystyq Polıtsııa departamenti baspasóz qyzmetiniń málimetinshe, oqıǵa 17 naýryzda saǵat 17:30 shamasynda bolǵan.
«Polıtsııa qyzmetkerleri Atyraý qalasyndaǵy Vladımırskıı-Ǵumarov kósheleriniń qıylysynda kúdik týdyrǵan «Lada Prıora» avtokóligin toqtatpaq bolǵan. Alaıda, rýlde otyrǵan júrgizýshi polıtseılerdiń talabyna baǵynbaı, qasha jónelgen. Keıin kóliginen túsip, kópirge deıin jaıaý qashqan. Jaıyq ózeniniń tusyna kelgende sýǵa sekirgen. Patrýldik polıtsııa qyzmetiniń ınspektorlary, aǵa leıtenant Jeksenbek Nurymov pen polıtsııa leıtenanty Danabek Saqaýov quqyq buzýshyny ustady.
Tekserý kezinde 33 jastaǵy er adam júrgizýshi kýáliginen aıyrylǵany anyqtaldy. Soǵan qaramastan mas kúıde kólik júrgizgen», - dep habarlady departamenttiń baspasóz qyzmeti.
Quqyq buzýshyǵa qatysty QR Ákimshilik quqyqbuýshylyq týraly kodeksiniń 608-babynyń 6-bóligi, 595-babynyń 1-bóligi, 601-babynyń 1-bóligi, 613-babynyń 3-bóliginiń 1) tarmaǵy, 612-babynyń 1-bóligi jáne 590-babynyń 7-bóligimen hattama toltyrylǵan. Іs-qujattary sotqa joldandy.
Eske sala ketelik, buǵan deıin Atyraýda mas kúıde rýlge otyrǵan sheteldik 7 jylǵa kólik júrgizý kýáliginen aıyrylǵanyn jazǵan edik.