Atyraýda polıtseıden qashqan ury qoqys konteınerinde jasyrynǵan
«5 jeltoqsan kúni, shamamen saǵat 20:00-de 49 jastaǵy áıel «102» arnasyna habarlasyp, bes mınýt buryn úıiniń aldynda otalyp turǵan Nissan Almera avtokóligin belgisiz adam aıdap áketkenin aıtty. Atalǵan habarlama boıynsha tártip saqshylary «Sergek» vıdeobaqylaý júıesi arqyly avtokóliktiń Alıev kópirine baǵyt alyp bara jatqanyn anyqtap, patrýldik polıtsııa qyzmetkerlerine baǵyttama beredi.
Oqıǵa ornyna jedel jetken Batys-15 qyzmetkerleri kólikti Mahambet – Satybaldıev kósheleriniń qıylysynda toqtatqan kezde kúdikti polıtsııa qyzmetkerlerine baǵynbaı, avtokólikpen qashyp jóneldi. Bunymen qosa, kúdikti jol erejesin óreskel buzyp, qarsy baǵytqa shyǵyp, jol-kólik apatyn jasady», - dedi polıtsııadan.
Er adam budan ári kólikti tastaı sala qashyp, jaqyn mańdaǵy qoqys jáshigine tyǵylǵan. Usynylǵan vıdeo kadrynda kórinip turǵandaı, ury konteınerge sekirip kirý kezinde mańaıynda jolshybaı adamdar júrgenin elemegen.
«Oqıǵa ornyna dereý jetken polıtsııa qyzmetkerleri kúdiktini ustady. Tekserý barysynda 34 jastaǵy azamat «kólik urysy» jáne «qalta urysy» retinde tizimde turǵany anyqtaldy. Avtokólik arnaıy turaqqa qoıylyp, ustalǵan azamat jedel-tergeý tobyna tapsyryldy», - dep naqtylady polıtsııadan.
Foto: polisia.kz