Atyraýda polıtseı áıel men balany qaǵyp ketti
ATYRAÝ. QazAqparat - Atyraýda polıtsııa serjanty jaıaý júrginshilerdi qaǵyp ketti, dep habarlaıdy QazAqparat.
«Maqat aýdany ishki ister bólimshesiniń 24 jastaǵy polıtsııa serjanty 18 qazan kúni shamamen keshki saǵat altyda rettelmeıtin jaıaý júrginshiler ótkelinde adamdardy qaǵyp ketti. 1991 jyly týǵan áıel men 2012 jyly dúnıege kelgen bala qajetti kómekter kórsetilgennen keıin úılerine jiberildi. Tergeý jumystarymen Atyraý oblystyq ІІD aınalysýda. Sot-medıtsınalyq saraptamasy jaıaý júrginshiler alǵan jaraqattardyń dárejesin anyqtaǵannan keıin istiń qylmystyq, ne ákimshilik bolatyny týraly sheshim shyǵarylady», - dep habarlady oblystyq ІІD-niń baspasóz hatshysy Gúlnázıra Muhtarova.
ІІD ózindik qaýipsizdik basqarmasy atalmysh fakti boıynsha qyzmettik tekseris júrgizýde.
