Atyraýda PIK qyzmeti tsıfrlandyrylyp jatyr
Atyraý qalasynyń turǵyndary https://atyrau.opencity.kz arnaıy portalynda «Jeke kabınetin» ashyp, óz ótinishterin qaldyra alady.
Bul joba aǵymdaǵy jyldyń 1 qyrkúıeginde bastaldy, onyń maqsaty PIK qyzmetiniń sapasyn jáne ashyqtyǵyn arttyrý bolyp tabylady. Portalǵa 71 kooperatıv kiredi.
«Portal - aqparat almasýdyń biryńǵaı platformasy. Atyraý turǵyndary úıde otyryp aldaǵy jumystardyń josparlarymen tanysyp, óz pikirin bildirýige múmkindik alady. PIK ókilderi úshin de jumys jasaý jeńildeıdi. Máselen, qandaı da bir sheshim qabyldaý úshin kezdesý uıymdastyryp, turǵyndardy jınap, jylytý ýaqytyn jáne gazdy jóndeý jumystary týraly habarlama taratýdyń qajeti joq. PIK ókilderi qalaı jumys jasaıtyny, jınalǵan qarajatqa jumsalý reti, qarjy esepteri jáne t.b. tolyq aqparat portalda bar», - dep túsindirdi joba jetekshileriniń biri Aman Sultanov.
Aıta keteıik, https://atyrau.opencity.kz portalynda qalanyń ınteraktıvti kartasy jáne barlyq qoljetimdi PIK jáne turǵyn úıler týraly tolyq aqparat bar. Budan basqa, turǵyn úı ıeleri kooperatıvterdiń qarjy-sharýashylyq qyzmeti týraly esepterdi ǵana emes, sonymen qatar PIK-niń qyzmetteri boıynsha qaryzdar týraly bile alady.