Atyraýda perzenthananyń eki dárigeri men akýsheri sottalýda
ATYRAÝ. QazAqparat - Atyraý qalasyndaǵy sot zalynda adam ólimine qatysy bar dep tanylǵan qalalyq perzenthanalardyń birindegi eki dáriger men akýsherdiń isi qaralýda, - dep habarlaıdy «QazAqparat» HAA tilshisi.
«Tergeý amaldarynyń nusqasy boıynsha, ótken jyldyń jeltoqsan aıynda Indersk aýdanynyń turǵyny 32 jasar jas bosanǵan áıel aýyr jaǵdaıda medıtsınalyq mekemeniń kómegine júgingen, alaıda kezekshi dárigerler men akýsher ózderiniń tikeleı dárigerlik mindetterin atqarmaǵan. Anyǵyn aıtsaq, naýqasqa kómek qolyn sozbaǵan. Nátıjesinde azamatsha Jekenovanyń densaýlyǵy nasharlap, jatyrynyń jyrtylýynan qaıtys bolǵan. Jańa týǵan sábı de ajaldan aman qalmady. Dárigerler QR Qylmystyq kodeksiniń 317 bap 3 taraýy «Medıtsına qyzmetkerleriniń kásibı mindetterin tıisti deńgeıde oryndamaýy» boıynsha aıyptalyp otyr», - dep habarlaıdy Atyraý oblystyq sotynyń baspasóz qyzmeti.
2017 jyly Atyraý oblysynda jańa bosanǵan 5 áıeldiń ólimi tirkelgendigin esterińizge salamyz.
