Atyraýda perzenthanadan koronavırýspen aýyrǵan sońǵy naýqas jazylyp shyqty
ATYRAÝ. QazAqparat – Búgin Atyraý oblystyq perınataldyq ortalyqtan koronovırýs sımptomymen bosanǵan ana emdelip, úıine shyǵaryldy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, qazir atalǵan ortalyqtan ashylǵan provızorlyq statsıonar bos tur.
Maýsymda ortalyqtyń provızorlyq statsıonarynda koronovırýs sımptomymen 50-den astam júkti áıel jatqan.
«Negizinen 50 orynǵa shaqtalǵan provızorlyq statsıonar maýsym-shilde aılarynda múlde bosamady. Sońǵy aıda jaǵdaı jaqsaryp keledi. Koronovırýs sımptomymen túsip jatqan júkti áıelder joq. Alda kóptegen vırýstyń órshıtin kúz-qys mezgili kele jatyr. Sondyqtan áli de sanıtarlyq erejelerdi qatań saqtaý kerek», - deıdi oblystyq perınataldyq ortalyq dırektorynyń emdeý isi jónindegi orynbasary Qazbek Ermaǵambetov.
9 qyrkúıektegi málimet boıynsha, Atyraý oblystyq perınataldyq ortalyǵyna 153 áıel túsken. Onyń 87-si - bosanǵan áıelder.
