Atyraýda pedofılge qatysty is sotta qaralýda
ASTANA. QazAqparat - Atyraý oblysynyń qylmystyq ister boıynsha mamandandyrylǵan aýdanaralyq soty 8 jastaǵy qyzǵa zorlyq jasady dep aıyptalǵan 28 jastaǵy Arman Rsalıevtiń isin qarap jatyr, dep habarlaıdy mgorod.kz .
Besikti kentiniń turǵyny ústinen qozǵalǵan is boıynsha sot 6 qyrkúıekte bastaldy. Arman Rsalıev QR QK-niń 120-babynyń 4 bóligi 10, 14 tarmaqtary jáne 99-baptyń 2 bóligi boıynsha aıyptalyp otyr.
Tergeý málimetteri boıynsha, 8 jastaǵy qyzdyń kórshisi ishimdikke mas bolyp, ony Jaıyq ózeniniń jaǵasyna aldap aparyp, zorlaǵan. Qylmysyn jasyrý úshin oqýshyny ózenge batyryp jibergen.
Sot jabyq rejimde ótkizilýde.
Eske sala ketsek, 8 jasar Aıkórkem Aldamjar bıyl 15 maýsymda mekteptegi lagerden oralmaǵan . Qyzdyń sheshesi ol kelmegen soń polıtsııaǵa aryzdanǵan. Oqýshynyń denesin izdeý 5 kúnge sozyldy.
