Atyraýda pedofıldi 15 jylǵa sottady
ATYRAÝ. QazAqparat - Atyraý oblystyq qylmystyq ister boıynsha mamandandyrylǵan aýdanaralyq sotynda pedofılge qatysty úkim shyǵaryldy. Іs alqabılerdiń qatysýymen qaraldy, dep habarlaıdy «QazAqparat» HAA tilshisi.
«Sot qaralymy barysynda belgilengendeı, 2017 jyldyń 17 sáýirinde Mırnyı kentinde K.esimdi turǵyn mas kúıinde 9 jasar qyzdy kúshpen zıratqa alyp baryp, zorlamaqshy bolǵan. Qyz mas zorlyqshydan qutylyp shyǵyp, úıine qashqan. K.-nyń aıyby sotta tergeý men kýágerlerdiń kýálik etýimen dáleldendi», - dep habarlady oblystyq sottyń baspasóz qyzmeti.
Sottyń, sondaı-aq alqabıler sotynyń úkimimen pedofıl qylmys jasady dep aıyptalyp, QR QK 120-baby 4-tarmaǵy, 24-baby 3-tarmaǵy (kámeletke tolmaǵan balany zorlaýǵa oqtalý) boıynsha qatań rejımdegi kolonııada 15 jylǵa bas bostandyǵynan aıyrý jazasy taǵaıyndaldy.
