Atyraýda pedofıl 25 jylǵa sottaldy
ATYRAÝ. QazAqparat - Atyraý oblysynyń qylmystyq ister boıynsha mamandandyrylǵan aýdanaralyq sotynda 8 jasar qyzdy zorlap, keıinnen óltirgen Besikti aýylynyń turǵynyna qatysty sot aıaqtaldy, dep habarlaıdy QazAqparat.
«Sot barysynda anyqtalǵandaı, 2017 jyldyń 14 maýsymynda qalamańyndaǵy Besikti kentinde 8 jasar qyz bala mekteptegi lagerden shyqqan. Úıine kele jatqanda ol aıyptalýshyny jolyqtyrǵan. Aıyptalýshy ony aldap Jaıyq ózeniniń jaǵasyna aparyp zorlaǵan. Keıin ony ózenge batyryp jibergen. Sot aıyptalýshyny kámelettik jasqa tolmaǵan balany zorlaýǵa, sondaı-aq onyń ólimine kináli dep tanydy. Oǵan 25 jyl qatań rejimdegi kolonııada bas bostandyǵynan aıyrý jazasy taǵaıyndaldy», - dep habarlady oblystyq sottyń baspasóz qyzmeti.
Baspasóz qyzmetiniń túsindirýinshe, sottalýshy jalpy merzimniń úsh jylyn kolonııada tolyq oqshaýlaý jaǵdaıynda óteıdi. Sonymen qatar, jábirlenýshi tarapqa sottalýshy 5 mln teńge tóleıdi
Eske sala ketsek , joǵalǵan oqýshy qyzdy izdeý birneshe kúnge sozyldy. Oǵan qutqarýshylar, Besikti kentiniń turǵyndary men eriktiler atsalysty. Alǵashqy kúnderi izdestirýge qyzdyń otbasynyń kórshisi bolyp keletin sottalýshy da qatysqan.
