Atyraýda páterin jeńil júristi qyzdarǵa jaldaǵan turǵyn jazalandy
ATYRAÝ. QazAqparat – Atyraýda jeńil júristi qyzdarǵa páter jaldaǵan azamatsha jazalandy, dep habarlaıdy QazAqparat.
Oblystyq polıtsııa deparatmentiniń baspasóz qyzmetinen málim etkendeı, 102 operatoryna Sh.Ýálıhanov kóshesinde ornalasqan kópqabatty úıdiń turǵyny jaldamaly páterdi jaldaýshylar túngi tynyshtyqty buzǵany týraly habarlaǵan.
«Atyraý qalasyndaǵy №2 ýchaskelik polıtsııa pýnktiniń ýchaskelik polıtsııa ınspektorlary túngi saǵat 02:52-de jaldamaly páterdi alǵan jeńil júristegi qyzdar adamdardy qabyldaǵanyn anyqtady. Munda Túrkistan qalasynyń 2 azamatshasy jezhkshelikpen aınalysqan. Olarǵa qatysty QR Ákimshilik quqyq buzýshylyq týraly Kodeksiniń 437-babymen (Túngi tynyshtyqty buzý) hattamalar toltyryldy» -dep habarlady departamenttiń baspasóz qyzmetinen.
Páterin jalǵa bergen 48 jastaǵy páter ıesine QR Ákimshilik quqyq buzýshylyq týraly Kodeksiniń 450-babymen (Kórineý jezókshelikpen aınalysý nemese jeńgetaılyq úshin úı-jaılar usyný) 218 775 myń teńge kóleminde aıyppul salyndy.
Eske sala ketelik, buǵan deıin Atyraýda jeńgetaılyqpen aınalysqan áıel túrmege qamalǵan edi.
