Atyraýda páterdi jalǵa alyp beremin dep 50 turǵyndy aldaǵan jigit ustaldy
Oblystyq polıtsııa departamenti baspasóz qyzmetiniń málimetinshe, Shymkent qalasynyń turǵyny 50 adamǵa «páterdi jalǵa alyp beremin» dep 1 mln-nan astam teńgeni qaltasyna basqan.
«Kúdikti jarnama saıty arqyly habarlandyrý jarııalap, birneshe qala turǵynyna ýáde berip, aldyn-ala tólem jasatqan. Keıin er adam izim-qaıym joǵalyp ketken. Alaıaqqa aldanǵandardyń biri – atyraýlyq áıel polıtsııaǵa shaǵym túsirdi. Oblystyq polıtsııa departamentiniń qyzmetkerleri alaıaqty «Anti-fraud» jedel aldyn alý is-sharasy kezinde anyqtady. Tekserý kezinde Shymkent qalasynyń 32 jastaǵy turǵyny 50 epızodqa qatysy bar ekeni anyqtaldy. Buryn sotty bolǵan er adam óz kinásin tolyqtaı moıyndady» -dep habarlady departamenttiń baspasóz qyzmeti.
Qazir kúdiktige qatysty Qylmystyq kodekstiń 190-baby 2-bólimi, 4-tarmaǵymen sotqa deıingi tergeý júrgizilip jatyr. Kúdikti ýaqytsha ustaý ızolıatoryna qamaýǵa alyndy.
Eske sala ketelik, budan buryn Atyraýda áıeldi tonaǵan jigit ustalǵan bolatyn.