Atyraýda páter jaldaýshy úı ıesin óltirdi
ATYRAÝ. QazAqparat - Atyraýda páter jaldaýshy úı ıesin óltirdi dep kúdik keltirilip otyr, dep habarlaıdy QazAqparat tilshisi.
«Atyraýda Qazaqstan Respýblıkasy Qylmystyq kodeksiniń 99-babyna sáıkes 47 jastaǵy adamǵa qatysty qylmystyq is qozǵaldy. Kúdiktiniń jaldap turǵan úıine tóleıtin aqshasy bolmaǵan soń, páter ıesi H. kúdiktige aqsha ornyna kepil retinde qujatyn nemese qymbat buıymdaryn tastaýdy talap etedi. Oǵan kelispegen azamat úı ıesimen janjaldasqan. Urystyń aıaǵynda, azamat úı ıesin bir ret soǵyp, oramalmen tunshyqtyryp óltirgen»,- dedi oblystyq sottyń baspasóz qyzmetiniń jetekshisi Boranbaı Ǵalıev.
Sot kúdiktige «kúzetpen ustaý» túrindegi bultartpaý sharasyna 2 aıǵa sanktsııa berdi.
