Atyraýda para alǵan tergeýshige10 mln. teńge aıyppul salyndy
ATYRAÝ. QazAqparat - Atyraýdyń №2 qalalyq soty memlekettik kirister departamentiniń ekonomıkalyq tergeý qyzmetiniń tergeýshisin 500 myń teńge kólemindegi para alǵany boıynsha aıyptaý isin qarady.
«Sot oǵan qatysty 10 mln. teńge kólemindegi aıyppuldy tóleý úkimin shyǵardy. Sottalýshynyń múlki tárkilenedi. Sondaı-aq ol ómiriniń sońyna deıin memlekettik qyzmette jumys isteý quqyǵynan jáne sheninen aıyryldy», - dep habarlady QazAqparat tilshisine oblystyq sottyń baspasóz hatshysy Boranbaı Ǵalıev.
