Atyraýda para alǵan polıtseı sheninen aıyrylyp, qyzmetinen qýyldy

ATYRAÝ. QazAqparat – Atyraýda polıtsııa podpolkovnıgi sheninen aırylyp, memqyzmetten qýyldy, dep habarlaıdy QazAqparat.

Oblystyq sottyń baspasóz qyzmetiniń habarlaýynsha, №2 Atyraý qalalyq sotynda oblystyq polıtsııa departamentiniń qyzmetkerine qatysty qylmystyq is qaralǵan.

«Polıtsııa podpolkovnıgi ańshylyq qarýdy saqtaýǵa, ustap júrýge ruqsat qaǵazyn tez rásimdeý úshin 30 myń teńge kóleminde para alǵan. Sot polıtsııa qyzmetkerin QR Qylmystyq Kodeksiniń 366-babynyń 1-bóligimen kináli dep tanyp, paranyń 20 eselengen mólsherinde (600 myń teńge) aıyppul salýǵa sheshim shyǵardy. Sottalýshy podpolkovnık sheninen, ómir boıyna memlekettik qyzmette laýazymdy qyzmet atqarý quqyǵynan aıyryldy» dep habarlady oblystyq sottyń baspasóz qyzmeti.