Atyraýda Pákistan azamaty soqqyǵa jyǵyldy
ATYRAÝ. QazAqparat - Atyraýda Pákistan azamatyn soqqyǵa jyqqan eki azamatqa izdeý jarııalandy, dep habarlaıdy «QazAqparat» HAA tilshisi.
«25 naýryz kúni 1965 jylǵy Muhammad Musa Abdýl Ýahab esimdi Pákistan azamaty polıtsııaǵa shaǵym túsirgen. Meıramhana ájethanasynda belgisiz eki er azamat soqqyǵa jyǵyp, denesin jaraqattaǵan. Fakt tirkelip, sotqa deıingi tergeý jumystary bastaldy. Olardyń kim ekendigi anyqtaldy, qazir izdestirý sharalary júrgizilýde», - dep habarlady óńirlik ІІD baspasóz hatshysy Gúlnazıra Muhtarova.
Bul oqıǵa jaıly Atyraý qalasynda sheteldikter jıi keletin Blackberry meıramhanasyndaǵy oryn alǵan keleńsiz jaǵdaı beınelengen taspa áleýmettik jelige tarap ketkennen soń belgili bolǵan.
