Atyraýda ózen tramvaıy men fıtnes ortalyqtarynyń qyzmeti toqtatyldy
ATYRAÝ. QazAqparat – Atyraý oblysynda ózen tramvaıy men fıtnes ortalyqtarynyń qyzmeti toqtatyldy. Bul týraly oblystyń bas memlekettik sanıtarlyq dárigeri Asylbek Sharovtyń qaýlysynda aıtyldy, dep habarlaıdy QazAqparat.
«Jattyǵý zaldarynyń, fıtnes-ortalyqtardyń, sport sektsııalarynyń, sporttyq-saýyqtyrý ortalyqtarynyń qyzmeti toqtatylsyn» -delingen bas sanıtarlyq dárigerdiń qaýlysynda.
Sondaı-aq, saıahattaý katerleriniń (ózen tramvaıy) qyzmeti de toqtatyldy.
Eske sala ketelik, buǵan deıin Atyraý oblysynda karantındik shekteý sharalary uzartylǵan edi.
