Atyraýda ótken «Open air-2019» sharasyna 10 myńnan asa halyq jınaldy

ATYRAÝ. QazAqparat – Atyraýda ótken «Open air-2019» sharasyna 10 myńnan asa halyq jınaldy, dep habarlaıdy QazAqparat Atyraý ákimdiginiń ákimdigine silteme jasap.

Ákimdiktiń hbarlaýynsha, Qazaqstan munaıynyń 120 jyldyǵyna arnalǵan kontsert 1 qyrkúıek kúni jańarǵan ortalyq alańda ótti.⠀

Sahnadaǵy dybys pen jaryqtandyrý tehnologııasy qoıylymdardyń jarqyn ári qyzyqty ótýine uıtqy boldy.

Keshte Mádına Sádýaqasova, Raım men Artýr, Nazıma, Aqylbek Jemeneı, Búrkit pen Aısha, Mýzart toby, Erjan Maksım, Aıqyn, Tamara Asar sııaqty qazaqstandyq estrada juldyzdary óner kórsetti.

Atyraýlyqtar ózderiniń súıikti ánshilerimen birge ashyq aspan astynda án shyrqady.

Kontsert sońynda merekelik otshashý boldy. Pırotehnıkalyq shoý kórermenderdi erekshe tańǵaldyrdy.