Atyraýda ótken marafonǵa 2 myńnan astam adam qatysty
ATYRAÝ. QazAqparat - Atyraýda ótken marafonǵa 2 myńnan astam adam qatysty, dep habarlaıdy «QazAqparat» HAA.
Jarys 10 jáne 21 km qashyqtyqqa baǵyttaldy. Sporttyq sharany Atyraý qalasynyń ákimi Serik Shapkenov bastap berdi. Ol oblystyq jeńil atletıka federatsııasynyń prezıdenti.
«Birinshi kezekte marafondy uıymdastyrý salamaty ómir saltyn qalyptastyrýǵa baǵyttalǵan. Bolashaqty mundaı sharalar jyl saıyn uıymdastyrylatyn bolady»,-dedi Shapkenov.
Qala ákiminen basqa júgirý sharasyna Azııa, Afrıka, Avstralııa jáne Amerıka sııaqty qurlyqtardy júrip ótken áıgili azamat Marat Jylanbaev, Atyraý oblysy ákiminiń orynbasary Álibek Naýtıev, sonymen qatar, birinshi toptaǵy múgedek Erlan Qazıev qatysty. Sońǵysy jeńiske degen erik-jigeri úshin qundy syılyqpen marapattaldy.
10 km qashyqtyqqa júgirýden absolıýtti chempıon Bısultan Qaıyrov boldy. Áıelder arasynda birinshi oryndy Adelıa Shabanova jeńip aldy. Jasy 37-den joǵarylar arasynda avstralııalyq Kýın Metıý, áıelder arasynda Anastasııa Tkachenko jeńimpaz dep tanyldy.
21 km qashyqtyqta jasy 37-den tómen er azamattar arasynda Bazarbaı Dáýitalıev úzdik shyǵyp, áıelder arasynda japonııalyq Naomı Vaımant jeńimpaz atandy.
Eresekter arasyndaǵy topta jeńiske Baýyrjan Berǵalı men ýelstik Dempster Rebekka qol jetkizdi.
Marafon Marjan Arapbaeva men Qaırat Nurtastyń qatysýymen ótken kontsertke ulasty. Іrgeli sharany Atyraý oblystyq jeńil atletıka federatsııasy men Infinity Fitness klýby Atyraý oblystyq ákimdigimen birlesip uıymdastyrǵan bolatyn.
