Atyraýda otbasy jáne tatýlastyrý ortalyqtary ashyldy
ATYRAÝ. QazAqparat - Atyraý oblystyq sotynyń bastamasymen Atyraý qalasyndaǵy Dostyq úıi ǵımaratynda «Otbasy ortalyǵy» jáne «Tatýlastyrý ortalyǵy» ashyldy, dep habarlaıdy QazAqparat óńirlik kommýnıkatsııalar qyzmetine silteme jasap.
Ortalyqtar daýlardy sotqa deıin jáne sottan tys retteý ınstıtýtyn keńinen qoldaný retinde, sondaı-aq, neke máselelerine qatysty daýlar sanyn azaıtý úshin jumys isteıdi.
Ortalyqtardyń ashylýy barysynda Atyraý oblystyq sotynyń azamattyq ister jónindegi sot alqasynyń tóraǵasy Manat Kómirshınov otbasylyq qundyqtardy saqtaý kerektigin atap ótti.
«Tártip pen zań ózgerse de, otbasylyq qundylyqtar ózgermeıtin kıeli ári máńgilik uǵym. Barlyq jaqsylyq ataýly otbasynan bastaý alady. Sondyqtan, osyndaı ortalyqtardy qura otyryp, belgili bir bıliktiń ókili retinde biz azamattarǵa otbasyn saqtaýda kómek kóretýge barlyq jaǵdaılardy jasaýymyz qajet», - deıdi Manat Kómirshınov.
Aıta keteıik, ortalyqta qyzmet etýge etnomádenı birlestikteriniń ókilderi, kásibı medıatorlar, psıhologtar, qorǵaýshylar, jumyspen qamtý jáne daǵdarys ortalyqtardyń ókirderi tartyldy.
