Atyraýda órtte 2 bala mert boldy, 13 jasar jetkinshek aýrýhanaǵa tústi - QR TJM
ASTANA. 25 naýryz. QazAqparat - Atyraýda bolǵan órttiń saldarynan 2 bala kóz jumdy, 13 jasar jetkinshek aýrýhanaǵa jetkizildi, dep habarlady QR TJM-niń baspasóz qyzmetinen.
Senbi, 24 naýryz kúni Atyraý qalasynyń Kóktem shaǵynaýdanynda ornalasqan jekemenshik turǵyn úıde órt boldy. Jalyn 100 sharshy metr aýmaqty sharpydy. Oqıǵa ornynda 3 jasar uldyń jáne 11 jasar qyzdyń deneleri tabyldy, 13 jastaǵy er bala kúıik jaraqattarymen aýrýhanaǵa jetkizildi.
Tilsiz jaýdy aýyzdyqtaýǵa QR TJM Atyraý oblysy boıynsha TJD órtke qarsy qyzmetiniń 24 adamy men 4 tehnıkasy jumyldyryldy.
