Atyraýda órtengen úıden 35 adam evakýatsııalandy

ATYRAÝ. QazAqparat – Atyraýda kópqabatty úıdegi páter órtenip, oqıǵa ornynan 35 adam evakýatsııalandy, dep habarlaıdy QazAqparat Tótenshe jaǵdaılar komıtetine silteme jasap.

4 qańtar kúni saǵat 10:43-te qutqarý qyzmetine Datuly kóshesindegi bes qabatty úı janyp jatyr degen habar kelip tústi.

«Oqıǵa ornyna kelip jetken órt sóndirýshiler jalynnyń 5-shi qabattaǵy páterde tutanǵanyn kórgen. Eń aldymen osy úıde turatyn 35 adam qaýipsiz jerge shyǵaryldy. Onyń ishinde segizi – balalar. Sonymen birge besinshi qabattaǵy 1981 jyly týǵan er adam avtosaty arqyly qutqaryldy. Qoldanylǵan sharalardyń arqasynda 5 sharshy metr aýmaqtaǵy órt saǵat 11:03-te sóndirildi» delingen habarlamada.

Tilsiz jaýdyń sebebi anyqtalyp jatyr. Órtti sóndirýge Atyraý oblystyq tótenshe jaǵdaılar departamentiniń jeke quramynan 10 adam jáne 3 tehnıka jumyldyryldy.