Atyraýda órtengen qoradaǵy qoılar janyp ketti
ATYRAÝ. QazAqparat –Atyraýda órtengen qorada 6 qoı tirileı janyp ketti, dep habarlaıdy QazAqparat.
Oblystyq Tótenshe jaǵdaılar departamentiniń málimetine súıensek, órt keshe, 23 shildede Qyzylbalyq aýylynda bolǵan.
«Departamenttiń dıspetcherlik pýltine saǵat 17:43-te Atyraý qalasynyń mańyndaǵy Qyzylbalyq aýylynda qoranyń órtengeni týraly habar tústi. Jalpy aýmaǵy 50 sharshy metrdi quraıtyn qorany órt sharpyǵan. Qoraǵa 12 bas qoı bolǵan. Oqıǵa ornyna 2 kólikpen kelgen arnaıy qyzmettiń 8 qyzmetkeri órtti sóndirý kezinde 6 bas qoıdy qutqaryp qaldy» -dep habarlady departamenttiń baspasóz qyzmeti.
Jalyn saǵat 18:16-da aýyzdyqtalyp, saǵat 18:22-de tolyq sóndirildi. Órttiń shyǵý sebebi anyqtalyp jatyr.
Eske sala ketelik, budan buryn Atyraýda kólik jóndeý ortalyǵynda 8 avtomobıl órtenip ketken edi.
