Atyraýda órtengen bazar aýmaǵyna kúzet qoıyldy
ATYRAÝ. QazAqparat – Atyraýda órtengen býtıkterdiń mańyna ury-qaralardan saqtandyrý úshin kúzet qoıyldy, dep habarlaıdy QazAqparat.
«Dına» bazarynyń mańynda órtengen 8 býtıkte kásipkerlerdiń materıaldyq qundylyqtarynyń qoldy bolýynan saqtandyrý maqsatynda kúzet qoıdyq. Bul jumysqa jergilikti polıtsııanyń 11 qyzmetkeri men QR Ulttyq ulanynyń 40 jaýyngeri jumyldyryldy»,-dep habarlady óńirdiń Tótenshe jaǵdaılar departamentiniń ókilderi.
Órtti sóndirýge 72 jeke quram múshesi men 25 tehnıka jumyldyryldy. Órt sóndirýshilerdiń der kezinde áreket etýiniń arqasynda órttiń ózge býtıkterge órshýine jol berilgen joq.
Osyǵan deıin habarlanǵandaı, Atyraýdyń eń iri bazarlarynyń biri «Dınada» 31 tamyz kúni saǵat 17:48-de sóndirildi.
