Atyraýda ortalyq kópir bes aıǵa jabylady
ATYRAÝ. QazAqparat – Atyraýda ortalyq kópir bes aıǵa jabylady, dep habarlaıdy QazAqparat.
Atyraý qalalyq máslıhatynyń kezekti sessııasynda ortalyq kópirge qatysty eki joba usynyldy. Onyń biri – kópirge kúrdeli jóndeý júrgizý. Ekinshisi – jańa kópir qurylysyn salý. Jańa kópirdi salý merzimi 35 aıǵa sozylmaq. Sol sebepten, máslıhat depýtattary bes aıda júrgiziletin kúrdeli jóndeý jobasyna qoldaý bildirdi.
«Ortalyq kópirdiń jobasy boıynsha jobalyq-smetalyq qujattama jasaqtaldy. Jobaǵa sáıkes qurylys-montaj jumystarynyń quny 920 mln 488 myń 988 teńgeni quraıdy. Ázirlengen joba aıasynda baǵandar, tireýish qabyrǵalar, aralyq qurylǵynyń arqalyqtary, tirek bólikteri jóndeledi. Kópir ústindegi asfalt tósemin, sý burý júıesin aýystyrý josparlandy. Jańa sándik qorshaýlar, jaryqtandyrý aspaptary ornatylady. Qorshaý bloktaryna jóndeý júrgizilip, jolǵa kórinetin jaǵy syrlanady», -dep habarlady qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminen.
