Atyraýda órt sóndirýshiler 38 adamdy qutqardy

ATYRAÝ. QazAqparat – Atyraýda órt sóndirýshiler turǵyn úıdegi órtten 38 adamdy qutqardy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetine súıensek, órt 14 jeltoqsan saǵat 04:04 kezinde bolǵan.

Arnaıy qyzmettiń dıspetcher pýltine Atyraý qalasyndaǵy Avangard-3 shaǵynaýdanynda ornalasqan úıdiń jertólesinen tútin shyqqany jóninde habar túsken.

Shaqyrtý boıynsha jetken tótenshe jaǵdaılar departamentiniń kqyzmetkerleri 5 qabatty turǵyn úıdiń jertólesinde matras pen aǵash qaldyqtarynyń órtengenin anyqtady.

«Elektr kabeli men sý júıesine arnalǵan plastıkalyq turbany qyzy jalyn sharpyǵan. Turǵyn úıdiń dálizin tútin tumshalap, turǵyndardyń ómirine qaýip tóndi. Sol sebepti órt sóndirýshiler shuǵyl túrde 15 páterden 38 adamdy, sonyń ishinde 11 balany qaýipsiz jerge kóshirdi» dep habarlady departamenttiń baspasóz qyzmeti.

Órtti sóndirýge 10 qyzmetker men 3 tehnıka jumyldyryldy. Jalyn saǵat 04:18-de oqshaýlanyp, saǵat 04:26-da tolyq óshirildi.

Eske sala ketelik, budan buryn Atyraýda salynyp jatqan turǵyn úı kesheni órtengen bolatyn.