Atyraýda órt sóndirý jáne avarııalyq-qutqarý tehnıkalarynyń kórmesi ótti
Qutqarýshylar kúnine oraı «Sultan Beıbarys» alańynda Tótenshe jaǵdaılar departamentiniń órt sóndirý jáne avarııalyq-qutqarý tehnıkalarynyń kórmesinde gıdrotsıkl, jol talǵamaıtyn «Trekol», «Holmatro» sekildi osy zamanǵy 17 túrli kólik qoıyldy. Kórmege Atyraý oblysynyń ákimi Mahambet Dosmuhambetov qatysyp, tabıǵı jáne tehnogendik sıpattaǵy tótenshe oqıǵalardy joıý úshin qoldanylatyn kólikter men jabdyqtarmen qamtý deńgeıin baǵalady.
Departament bastyǵy, azamattyq qorǵaý polkovnıgi Omar Berjanovtyń málimetinshe, qazir qurylymda 690 qyzmetker bar. Ártúrli 118 tehnıkamen qamtylǵan. Sonyń ishinde 53 órt sóndirý, 19 arnaıy, 46 qosymsha, 20-dan astam júzý tehnıkasy órt sóndirý, avarııalyq-qutqarý jumystaryna jumyldyrylady. Qutqarýshylarǵa «Grom», «Abrek» atty eki ıttiń de kómegi tıedi.
Kórmedegi tehnıkalarǵa ásirese, balalar qyzyǵýshylyq tanytyp, órt sóndirý mashınasynyń kabınasyna, gıdrotsıklde otyryp, órt sóndirýshiler men qutqarýshylardyń jaýyngerlik kaskasyn ózderi kıip qarady. Jurtshylyqtyń nazaryn «Grom» men «Abrek» kóbirek aýdardy. Jedel-qutqarý jasaǵynyń kınologtary qutqarýshy ıtterdiń tapsyrmany oryndaý, sondaı-aq, Jaıyq ózeninde sýǵa batyp bara jatqan adamdy qutqarý kezinen kórsetilim uıymdastyryldy.
