Atyraýda onkologııalyq dıspanserdiń esebinde 4 500 adam tur
Ekologııalyq ahýaly nashar óńirdiń qatarynda Atyraý oblysy da bar. Elimizdegi aýasy lastanǵan 10 shahardyń tizimine Atyraý qalasy engen. Bul óńir turǵyndarynyń arasynda túrli aýrýdyń beleń alýyna áser etip otyr.
«Qazir oblystyq onkologııalyq dıspanserdiń esebinde 4 500 adam tur. Olarǵa 31 dáriger medıtsınalyq qyzmet kórsetedi. Bıyl dıspanserge jańa ǵımarat salý úshin jobalyq-smetalyq qujattamany daıyndaýǵa bıýdjetten qarjy bólinetini kútilip ortyr. Jobalyq-smetalyq qujattama jasaqtalǵannan keıin dıspanser ornalasqan qazirgi ǵımaraty buzylyp, orny kúreledi. Al, kelesi jyly jańa ǵımarattyń qurylysy bastalady. Qurylys jumystary aıaqtalǵanǵa deıin onkologııalyq dıspanser ýaqytsha oblystyq aýrýhananyń ǵımaratyna kóshiriledi», - dep habarlady oblystyq Densaýlyq saqtaý basqarmasynyń baspasóz qyzmetinen.
Eske sala ketelik, budan buryn Densaýlyq saqtaý mınıstri Atyraý oblysyndaǵy medıtsınalyq qyzmetpen nashar qamtylǵan eldi mekenderdi ataǵan bolatyn.