Atyraýda óńirlik oqýshylardy testileý ortalyǵy ashyldy
ATYRAÝ. QazAqparat - Atyraýda Óńirlik testileý ortalyǵy ashyldy. Ortalyqta joǵary synyp oqýshylary aldaǵy emtıhandarǵa, UBT-ǵa daıyndyq kezinde bilimderin tekseredi.
«Qazaqstanda jobany iske qospas buryn álemdik tájirıbe tyńǵylyqty zerdelendi. Búginde ortalyqtar Almaty, Shymkent, Aqtaý, Taraz, Aqtóbe, Taldyqorǵanda sátti jumys isteýde. Taıaý ýaqytta mundaı ortalyqtar Qyzylordada jáne eldiń soltústik óńirlerinde de ashylady. Tehnologııalyq múmkindikter, biregeı kontent, taldaýdyń arqasynda myńdaǵan oqýshylar emtıhanǵa úzdik daıyndala alýda», - dedi atyraýlyq fılıaldyń ashylý barysynda onlaın-testileý ortalyǵynyń dırektory Áljanbek Kósherbaev.
Ortalyq fılıaly jańa tehnıkalyq jabdyqpen jaraqtalǵan jáne 150 orynǵa eseptelgen.
Testileýden ótkennen keıin oqýshylarǵa ózindik esep beriledi. Onda mektep baǵdarlamasy boıynsha bilim berýdegi olqylyqtar atap ótiledi. Sonyń negizinde usynymdar beriledi. Óziniń bilmegenin taldaǵan oqýshylar qosymsha sabaqtarǵa jazylyp, úzdik ustazdardyń vıdeo sabaqtaryna qoljetimdilik ala alady.
