Atyraýda omyraýynan aıyrylǵan áıelge 6 mln teńge tólenetin boldy
ATYRAÝ. QazAqparat - Atyraý qalalyq sotynda medıtsına qyzmetkerleriniń salǵyrttyǵynan áıel adamnyń densaýlyǵyna keltirilgen zııandy óteýge qatysty azamattyq is qaraldy, dep habarlaıdy QazAqparat tilshisi.
Oblystyq sottyń baspasóz qyzmeti habarlaǵandaı, Atyraý turǵyny Ý. №2 qalalyq emhana men oblystyq onkologııalyq dıspanserge qatysty 3 mln 422 myń teńge kóleminde materıaldyq shyǵyndar men 20 mln teńge kóleminde moraldyq zııandy óteý týraly sotqa talap-aryz berdi. Sot sheshimi boıynsha ol 6 mıllıon 130 myń teńge alatyn boldy.
Talapker 2016 jyly naýryz aıynda emhanaǵa oń jaq keýdesiniń aýyratynyn aıtyp, shaǵymdanyp barǵan. Klınıkanyń dárigerleri aýrýǵa der kezinde dıagnoz qoıa almaǵan, sonyń saldarynan naýqastyń jaǵdaıy nasharlaı bergen. Keıinirek ol onkologııalyq dıspanserge jiberilip, onda dárigerler shuǵyl bıopsııa jasaǵan. Al Atyraý sot saraptama ınstıtýtynyń qyzmetkerleri áıeldiń oń jaq sút bezinen qaterli isik bolǵanynan aıtyp otyr.
«№2 emhana men oblystyq onkologııalyq dıspanserden 3 mln 130 myń teńge materıaldyq shyǵyn jáne 3 mln teńge kóleminde moraldyq zalal óndiriletin boldy. Sot sheshimi zańdy kúshine endi. Kináli dárigerlerge qatysty qyzmettik tergeý jumystary júrgizilýde», deıdi oblystyq sottyń baspasóz hatshysy Boranbaı Ǵalıev.
