Atyraýda oqýshylardy qashyqtan oqytý úshin 3000 kompıýter satyp alynady
ATYRAÝ. QazAqparat –Atyraý oblysynda oqýshylardy qashyqtan oqytý úshin 3000 kompter satyp alynady, dep habarlaıdy QazAqparat.
Atyraý oblysy ákiminiń orynbasary Baqytgúl Hamenovanyń tóraǵalyǵymen ótken selektorlyq jıynda oqýshylardy qashyqtan oqytý máselesi keńinen talqylandy. Jıynda aýdan ákimderiniń orynbasarlary men joǵary oqý oryndarynyń rektorlary, kolledj dırektorlary jáne «Qazaqtelekom» AQ-nyń basshylyǵy 2020-2021 oqý jylyna daıyndyq barysyn pysyqtady.
«Qashyqtan oqytý rejıminde ár oqýshynyń, ár muǵalimniń kompıýterlik tehnıkamen qamtylýyn, ınternet jelisine qoljetimdiligin qamtamasyz etýimiz qajet. Qashyqtan oqytýda shalǵaıdaǵy eldi mekenderdi ınternet jelisine qosý, mektepterdegi ǵalamtor jelisiniń jyldamdyǵyn jáne taratý núkteleriniń sanyn kóbeıtý jumystaryn «Qazaqtelekom» AQ-men birlese sheshýimiz qajet. Únemdelgen qarajatqa satyp alynǵan kompıýterlik tehnıkalar birinshi kezekte áleýmettik jaǵdaıy tómen, kópbalaly otbasydan shyqqan oqýshylarǵa berilýi tıis»- dedi Baqytgúl Hamenova.
Atyraý oblysynda 2013 jyldan beri kompıýterlik jıyntyqtar kóp mólsherde satyp alynbaǵan. Al, 2017-2019 jyldary az kólemde ákelingengen kompterler stem, robototehnıka syndy arnaıy kabınetterge qoıylǵan. Al, bıylǵy mamyrda demeýshiler 1310 kompıýter satyp alyp bergen. Endi jańa oqý jylyna deıin taǵy da 3000 kompıýter satyp alý kútilip otyr.
Eske sala ketelik, buǵan deıin Atyraý oblysynda karantın kúsheıtilgen bolatyn.
