Atyraýda Oqýshylar jáne jastar saraıy salynýda
ATYRAÝ. QazAqparat - Atyraýda oqýshylar jáne jastar saraıy salynyp jatyr. Bul mekeme kelesi jyly paıdalanýǵa beriledi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Tórt qabatty ǵımarat neoklassıkalyq stılde falshkolona jáne balıýstradalarmen salynady. Birinshi qabatta: kúres zaly jáne gımnastıka, basketbol, jeńil atletıka, rıtmdik gımnastıka, sondaı-aq shahmat oınaýǵa arnalǵan bólmeler ornalasady.
Birinshi qabatta balalarǵa yńǵaıly bolý úshin ınternet-ortalyq pen medıa-kitaphana, kompıýterlik grafıka bólmesi, kórme murajaıy, makııaj bólmeleri, jattyǵý jáne horeografııa zaldary, 300 oryndyq májilis zaly, basseın jáne t.b bar.
Ekinshi qabatta aǵylshyn, frantsýz, túrik, qazaq jáne orys tilderi, mýzyka jáne teorııalyq sabaqtar, astronomııa, planetarıı, teatr stýdııasy, mýzyka sabaqtary,sonymen qatar ansamblderge arnalǵan sabaqtar, hor men orkestrge daıyndyq sabaqtary ótetin bolady.
Úshinshi qabatta fızıka, ekologııa, jergilikti tarıh, bıohımııalyq zerthana, jastar toby, músin bólmesi, art-stýdııamen jabdyqtalady.
Eń qyzyqty, tórtinshi qabat bolady. Munda balalar áýe jáne zymyran modeldeý zerthanalarynda ǵylym men tehnıkany meńgerip, keme modelin jasaıdy, elektr jáne radıotehnıkalyq zerthanalarda kompıýterlik tehnıkany ıgeredi, sondaı-aq stýdııada beıne jáne foto túsirýmen shuǵyldana alady.
