Atyraýda oqýshylar úshin tegin IT-synyp ashyldy

ATYRAÝ. QazAqparat -Atyraý qalasyndaǵy Oqýshylar ortalyǵynda «Nur Otan» partııasynyń bastamasymen IT-synyp  ashyldy,  dep habarlaıdy QazAqparat tilshisi.    

Oblystyq «Nur Otan» partııasynyń baspasóz hatshysy Elmıra Tuńǵatarovanyń aıtýynsha, balalarǵa arnalǵan tegin ІT-synyptaryn iske qosý úshin negizgi oqytý baǵdarlamasy retinde brıtandyq «Love to code» baǵdarlamalaýynyń halyqaralyq bilim franshızasy paıdalanylýda. Ár synypta dáris beretin muǵalimder bolady. Olar H.Dosmuhamedov atyndaǵy Atyraý memlekettik ýnıversıtetiniń bazasynda ashylǵan «ІT-mamandaryn daıarlaý ortalyǵynda»  arnaıy daıyndyqtan  ótken. 

Mahambet aýdanyna qarasty Beıbarys aýylynyń turǵyny Isabek Bısenbaı Atyraýdaǵy Oqýshylar ortalyǵyna kópten beri kelip júr. Ol ásirese mýltfılmder qurastyrǵysy keletinin aıtady.

«Ortalyqta ІT-synyp ashylatynyn estiginde qatty qýandym. Óıtkeni  kompıýterlik baǵdarlamalardy meńgerýdi aldyma maqsat etip qoıǵanmyn», - deıdi ol. 

«Nur Otan» partııasynyń bastamasymen balalar úshin IT-synyptyń ashylýy eldiń bas partııasynyń erekshe qamqorlyǵy dep bilemin. Jáne bul zaman talabyna saı ashylǵan arnaıy synypta 8 jastan 16 jasqa deıin balalar oqytylady. Qazir arnaıy keste jasaqtadyq. 6 topta 12 baladan oqytylady», - deıdi Oqýshylar ortalyǵynyń dırektory Aızada Túsipqalıeva.    

Aıta ketý kerek, «Tsıfrlyq Qazaqstan» memlekettik baǵdarlamasyn júzege asyrý maqsatynda qolǵa alynǵan joba aıasynda Atyraý oblysynda bıyl 10  ІT-synyp ashyldy.