Atyraýda oqýshylar sabaq arasyndaǵy úziliste Abaı ánderin shyrqaıdy

ATYRAÝ. QazAqparat – Atyraýda oqýshylar úziliste Abaı ánderin shyrqaıdy, dep habarlaıdy QazAqparat.

Oblystyq bilim basqarmasy baspasóz qyzmetiniń aqparatyna súıensek, Maqat aýdanyndaǵy №2 bastaýysh mektebinde uly oıshyl Abaıdyń 175 jyldyq mereıtoıy aıasynda arnaıy kabınet ashylǵan.

Mekteptiń dálizine karaoke, 3 ekran, 8 dybys zoraıtqysh qoıylǵan. Oqýshylar úzilis kezinde Abaı ánderin shyrqaıdy.

«Balalarmen qarym-qatynas ashyq dıalog alańyna negizdelip otyr. Oqýshylar arnaıy jasaqtalǵan taqtaǵa bos ýaqytta nemen aınalysqysy keletini týraly jazady. Balalar tarapynan túsken usynystar negizinde mektep dálizine karaoke ornattyq. Bul ádis oqýshylardyń mektepte ózderin erkin sezinýine yqpal etýde», - deıdi Maqat kentindegi №2 bastaýysh mektebiniń dırektory Rýslan Baımuqashev.

Onyń aıtýynsha, bastaýysh mektepte dástúrli bilimmen birge oqýshylarǵa ulttyq tárbıe beriledi. Osyǵan oraı birneshe kabınetter ashylǵan.

«Máselen, ulttyq tárbıe kabıneti halqymyzdyń dástúrine, tarıhyna negizdelgen sabaqtarǵa arnalyp otyr. Kabınette qazaqtyń maqal-mátelderi, yrym-tyıymdary ilingen. Ulttyq oıyndar týraly tanymdyq materıaldar da bar. Bul kabınette synyp jetekshileri oqýshylarǵa ulttyq qundylyqtar turǵysynda dáris ótkizedi»,-deıdi mektep dırektory.

Sondaı-aq, mektepte ólketaný kabıneti de bar. Onda dástúrli sabaqpen birge, oqýshylarǵa aýdannyń áleýmettik-ekonomıkalyq, qoǵamdyq, rýhanı damýyna úles qosqan azamattar, jalpy, ólke tarıhy týraly aqparattar beriledi.

«Munda oqýshylarǵa entsıklopedııalyq derekter, óńirdiń ónegeli azamattar týraly jan-jaqty málimetter beriledi. Al, Abaı kabınetinde uly aqynnyń shyǵarmalaryn nasıhattaýmen birge, ol týraly tyń derekter usynylady», - deıdi Rýslan Baımuqashev.

Maqat aýdanyndaǵy №2 bastaýysh mektebi 80 oqýshyǵa arnalǵan. Qazir munda 203 oqýshy oqıdy.

Bilim ordasynda bastaýysh synyptardan bólek, 37 shaǵyn ortalyq, 22 mektepaldy daıarlyq toby jumys isteıdi.